പ്രതിരോധ മന്ത്രിയുടെ മുൻ അഡീഷണൽ സെക്രട്ടറി ശ്രീ കമലാകരൻ കെ.കെ.യുടെ സന്ദർശനം

പ്രതിരോധ മന്ത്രിയുടെ മുൻ അഡീഷണൽ സെക്രട്ടറിയായിരുന്ന

ശ്രീ കമലാകരൻ കെ.കെ സെപ്റ്റംബർ 12 ന് തൃശൂരിലെ 'ഗോൾഡൻ പാം ക്യാന്റീൻ (ആർമി കാന്റീൻ)' സന്ദർശിച്ചു. ക്യാന്റീനിന്റെ വർദ്ധിച്ചുവരുന്ന സ്വാധീനത്തെയും, ഭാവി വികസന ലക്ഷ്യങ്ങൾ കൈവരിക്കുന്നതിലെ സുപ്രധാന ചുവടുവെപ്പിനെയും ഈ സന്ദർശനം അടയാളപ്പെടുത്തുന്നു.

ഈ അവസരത്തിൽ നടന്ന കൂടിക്കാഴ്ചയിൽ, ക്യാന്റീനിന്റെ പ്രധാന നേട്ടങ്ങളെക്കുറിച്ചും രാജ്യസേവനം നടത്തിയ വിമുക്തഭടന്മാരുടെ ക്ഷേമത്തിനായി നൽകുന്ന സംഭാവനകളെക്കുറിച്ചും ലെഫ്റ്റനന്റ് കേണൽ സുധീർ പ്രകാശ് (റിട്ട.) വിശദീകരിച്ചു. തുടർന്ന് മികച്ച സേവനം നൽകുന്നതിലുള്ള ക്യാന്റീനിന്റെ പ്രതിബദ്ധതയെയും; വിമുക്തഭടന്മാർ, അവരുടെ വിധവകൾ, സേവനത്തിലുള്ള സൈനികർ, ആശ്രിതർ എന്നിവരിൽ ആത്മവിശ്വാസം വളർത്തുന്നതിൽ ക്യാന്റീൻ വഹിക്കുന്ന സജീവ പങ്കിനെയും പ്രശംസിച്ചു. ജീവനക്കാരുമായി ആശയവിനിമയം നടത്തുന്നതിനുള്ള ഒരു സെഷനും ഉണ്ടായിരുന്നു. ശ്രീ അശോക് കുമാർ, പ്രസിഡന്റ് കേരള സ്റ്റേറ്റ് എക്സ്-സർവീസ്മാൻ ലീഗ് എക്സ്-സർവീസ്മാൻ നേരിടുന്ന പ്രശ്നത്തെ പ്രതിനിധീകരിച്ചു.