അമേരിക്കയിൽ 30 വർഷം: ഇന്ത്യൻ വംശജയായ 60 കാരി ഇമിഗ്രേഷൻ തടവിൽ

അമേരിക്കയിൽ 30 വർഷമായി സ്ഥിരതാമസമാക്കിയ ഗ്രീൻ കാർഡ് ഹോൾഡർ തടവിലായിട്ട് ഒരാഴ്ച പിന്നിട്ടു. വെങ്കട്ട വസംസെട്ടിയെന്ന 60 കാരിയെ നോർത്ത് കരോലിനയിലെ ഇമിഗ്രേഷൻ ഉദ്യോഗസ്ഥരാണ് അറസ്റ്റ് ചെയ്തത്. നേരത്തെ കുടിയേറ്റവുമായി ബന്ധപ്പെട്ട ഒരു നാടുകടത്തൽ കേസിൽ ഇമിഗ്രേഷൻ കോടതി ഏതാനും മാസങ്ങൾക്ക് മുമ്പ് അവരെ കുറ്റമുക്തയാക്കിയിരുന്നു.

നിലവിൽ ജോർജ്ജിയയിലെ ഇർവിൻ കൗണ്ടി ഡിറ്റൻഷൻ സെന്‍ററിലാണ് അവരെ പാർപ്പിച്ചിരിക്കുന്നത്. അവരുടെ മകൾ യശസ്വിനി വസംസെട്ടി ഇമിഗ്രേഷൻ ഡിപ്പാർട്ട്‍മെന്‍റിലെ അഭിഭാഷകയാണ്. ആരോഗ്യ പ്രശ്നങ്ങളുള്ള വെങ്കട്ട വസംസെട്ടിയുടെ മോചനത്തിനായി കുടുംബവും സുഹൃത്തുക്കളും ഒരു കാംപെയിൻ ആരംഭിച്ചിട്ടുണ്ട്.