DMA ജനക്‌പുരി ഏരിയക്ക് നവീകരിച്ച ഓഫീസ്

ഡൽഹി മലയാളി അസോസിയേഷൻ ജനക്‌പുരി ഏരിയയുടെ നവീകരിച്ച ഓഫീസിന്‍റെ ഉദ്ഘാടനം 2024 ഒക്ടോബർ 06 ഞായറാഴ്ച്ച രാവിലെ 09.30 ന് ഡൽഹി മലയാളി അസോസിയേഷൻ പ്രസിഡന്‍റ് കെ രഘുനാഥ് നിർവഹിക്കും. ഉദ്ഘാടന ചടങ്ങിൽ ഡി എം എ വൈസ് പ്രസിഡന്‍റുമാരായ രഘുനാഥൻ നായർ കെ ജി, മണികണ്ഠൻ കെ വി, ജനറൽ സെക്രട്ടറി ടോണി കണ്ണമ്പുഴ, ചീഫ് ട്രഷറർ മാത്യു ജോസ് തുടങ്ങി മറ്റു സെൻട്രൽ എക്സിക്യൂട്ടീവ് കമ്മിറ്റി അംഗങ്ങൾ, ഏരിയയുടെ മുൻകാല ഭാരവാഹികൾ, മറ്റു പ്രവർത്തകർ തുടങ്ങിയവർ പങ്കെടുക്കുന്നതാണ്. ജനക്‌പുരി ഏരിയ ചെയർമാൻ സി ഡി ജോസ് അധ്യക്ഷത വഹിക്കുന്ന ഉദ്ഘാടന യോഗത്തിന് ശേഷം കുട്ടികൾക്കായി ചിത്രരചനാ മത്സരം ഉണ്ടായിരിക്കും.