ഡൽഹി മലയാളി അസോസിയേഷൻ ആശ്രം-ശ്രീനിവാസ്പുരി- കാലേഖാൻ- ജൂലൈനാ ശാഖ സിൽവർ ജൂബിലി ആഘോഷവും ക്രിസ്മസ് പുതുവത്സര പരിപാടികളും നടത്തി.

ഫെബ്രുവരി 23 ഞായറാഴ്ച വൈകുന്നേരം 4 മണിയ്ക്ക് ആശ്രം സൺലൈറ്റ് കോളനിയിലെ ഡോ. അംബേദ്കർ പാർക്കിൽ സമ്മേളനം നടന്നു. ശാഖ ചെയർമാൻ ഷാജി എം അധ്യക്ഷത വഹിച്ചു .നോർത്ത് ഡിസ്ട്രിക്ട് ഡിസിപി നിതിൻ വത്സൻ ഐപിഎസ് മുഖ്യപ്രഭാഷണം നടത്തി . ക്രിസ്മസ് സന്ദേശം ജസോള ഫൊറോന വികാരി റവ. ഫാ. ബാബു ആനിത്താനം നടത്തുകയും ചെയ്‌തു., റിട്ട.ജസ്റ്റിസ് കെജി ബാലകൃഷ്ണൻ, തർവീന്ദർ സിംഗ് മാർവ എംഎൽഎ,ശ്രീ.ടി.പി ശ്രീനിവാസൻ ഐ എഫ് എസ്, ഫാ. ഷിജു ജോർജ്,നിഷ പുരുഷോത്തമൻ, DMA പ്രസിഡന്റ് രഘുനാഥ്, സെക്രട്ടറി ടോണി തുടങ്ങി സാമൂഹിക സാംസ്‌കാരിക മാധ്യമ രംഗത്തെ നിരവധി പ്രമുഖർ അസോസിയേഷൻ ഭാരവാഹികൾ തുടങ്ങിയവർ പ്രസംഗിച്ചു.

വൈകുന്നേരം ഏഴു മണി മുതൽ വിവിധ കലാ സാംസ്കാരിക പരിപാടികൾ അരങ്ങേറി .അംഗങ്ങളുടെ കരോൾ ഗാനാലാപനം, നൃത്തപരിപാടികൾ, ഫ്ലവേഴ്സ് ടിവിയിലെ 'ഇത് ഐറ്റം വേറെ ' ഫെയിം പൊടിയൻ കൊച്ചാട്ടനും സംഘവും അവതരിപ്പിക്കുന്ന കോമഡി ഷോ,ഡൽഹി 'ശ്രുതിലയ'യുടെ ഗാനമേള എന്നിവ പരിപാടിയുടെ ഭാഗമായി നടത്തുകയും ചെയ്തു.

വൈകുന്നേരം 10ന് ക്രിസ്മസ് സ്നേഹവിരുന്നോട് കൂടി പരിപാടികൾ സമാപിച്ചു. ജനറൽ കൺവീനർ അഭിലാഷ് ജോർജ്, ജോയിന്റ് കൺവീനർ അലക്സാണ്ടർ ഡാനിയേൽ കോട്ടൂർ,സജിത ചന്ദ്രൻ, ഗീത ദീപക്, ഷിനി ഷിജു, ഡി എം എ ചെയർമാൻ ഷാജി എം, സെക്രട്ടറി ജെയിൻ, മറ്റു എസ്ക്യൂട്ടീവ് അംഗങ്ങൾ എന്നിവർ നേതൃത്വം നൽകി