ഡിഎംഎ മഹിപാൽപ്പൂർ - കാപ്പസ്ഹേഡാ ഏരിയയുടെ ഓണാഘോഷം

ന്യൂഡൽഹി: ഡൽഹി മലയാളി അസോസിയേഷൻ മഹിപാൽപ്പൂർ - കാപ്പസ്ഹേഡാ ഏരിയയുടെ ഓണാഘോഷ പരിപാടികൾ കാപ്പസ്ഹേഡയിലെ കമ്മ്യൂണിറ്റി ഹാളിൽ അരങ്ങേറി.

ഏരിയ ചെയർമാൻ ഡോ ടി എം ചെറിയാൻ അധ്യക്ഷത വഹിച്ച സാംസ്കാരിക സമ്മേളനത്തിൽ ഡിഎംഎ വൈസ് പ്രസിഡന്റ് കെ ജി രഘുനാഥൻ നായർ ചടങ്ങുകൾ ഉദ്ഘാടനം ചെയ്തു. സെക്രട്ടറി കെ വി ജഗദീശൻ, ട്രഷറർ കെ എം ദിലീപ്, വനിതാ വിഭാഗം കൺവീനർ രത്‌നാ ഉണ്ണികൃഷ്ണൻ, അഡ്വ കെ വി ഗോപി തുടങ്ങിയവർ പ്രസംഗിച്ചു.

തുടർന്ന് കുട്ടികളുടെ വിവിധ കലാപരിപാടികളും ഓണക്കളികളും ഓണസദ്യയും ഒരുക്കിയിരുന്നു. സ്വരമാധുരി, ഡൽഹി അവതരിപ്പിച്ച ഗാനമേളയോടുകൂടി പരിപാടികൾ സമാപിച്ചു.