ലാടോസറായ് തിരുപ്പിറവി: ആർച്ച് ബിഷപ്പ് മുഖ്യാ കാർമ്മികൻ

ഫരീദാബാദ് അതിരൂപതയിലെ ലാടോസറായി ലിറ്റിൽ ഫ്ലവർ ദേവാലയത്തിൽ തിരുപ്പിറവിയുടെ തിരുകർമ്മങ്ങൾക്ക് അഭിവന്ദ്യ കുര്യാക്കോസ് ഭരണികുളങ്ങര മെത്രാപ്പോലീത്ത മുഖ്യ കാർമികത്വം വഹിക്കും വൈകുന്നേരം 7 മണിക്ക് ആഘോഷമായ ക്രിസ്മസ് കുർബാനയും പിറവിയുടെ തിരു കർമ്മങ്ങളും പ്രദക്ഷിണവും ചത്തര്‍പൂര്‍ അന്തേരിയ മോഡ് ലിറ്റിൽ ഫ്ലവർ ദേവാലയത്തിൽ വച്ച് നടത്തപ്പെടുന്നു. ഡൽഹിയിലെ ഏറ്റവും ഉയരം കൂടിയ ക്രിസ്മസ് ട്രീയും ഏറ്റവും ബൃഹത്തായ പുൽക്കൂടും ഒരുക്കിയാണ് ലിറ്റിൽ ഫ്ലവർ ഇടവക ഇത്തവണ ക്രിസ്മസിനെ വരവേൽക്കുന്നത്. ക്രിസ്മസ് ആഘോഷങ്ങളോടനുബന്ധിച്ച് 1500 സാധുക്കൾക്ക് ഭക്ഷണ വിതരണവും കേക്ക് വിതരണവും ക്രിസ്മസ് ട്രീയും പുൽക്കൂട് മത്സരവും നക്ഷത്ര നിർമ്മാണ മത്സരവും കരോൾ ഗാനങ്ങളും ക്രമീകരിച്ചിട്ടുണ്ട്.