മെട്രോ ട്രെയിനിൽ കാർഗോ; ബ്ലൂ ഡാർട്ടുമായി കരാർ

ഡൽഹി മെട്രോയിൽ കാർഗോ കോച്ച് ഏർപ്പെടുത്താൻ ധാരണ. എക്‌സ്പ്രസ് ലോജിസ്റ്റിക്‌സ് പ്രൊവൈഡറായ ബ്ലൂ ഡാർട്ടുമായി DMRC ധാരണാപത്രം ഒപ്പിട്ടു. തിരക്ക് കുറഞ്ഞ സമയങ്ങളിൽ ചില ട്രെയിനുകളുടെ അവസാന കോച്ചാണ് കാർഗോ ട്രാൻസ്‍പോർട്ടിന് ഉപയോഗിക്കുക. ഇതിനായുള്ള പ്രാരംഭ ട്രയൽ ബ്ലൂ ലൈനിൽ പൂർത്തിയാക്കി.

സൗത്ത് ഏഷ്യാ പസഫിക് റീജണിൽ ഇത്തരമൊരു സംരംഭം ആദ്യമാണെന്ന് DMRC കോർപ്പറേറ്റ് കമ്യൂണിക്കേഷൻസ് വിഭാഗം പ്രിൻസിപ്പൽ എക്‌സിക്യുട്ടീവ് ഡയറക്‌ടർ അനൂജ് ദയാൽ പറഞ്ഞു.