നിർധന കുടുംബത്തിന് തണലായി വേൾഡ് മലയാളി കൗൺസിൽ; സ്നേഹഭവനം കൈമാറി

തിരുവനന്തപുരം: വേൾഡ് മലയാളി കൗൺസിൽ വനിതാ വിഭാഗത്തിൻ്റെ നേതൃത്വത്തിൽ നിർധന കുടുംബത്തിനായി നിർമ്മിച്ച സ്നേഹഭവനം സമർപ്പിച്ചു. പത്തനാപുരം പിറവന്തൂർ വെട്ടിത്തിട്ട സുബിൻ ഭവനിൽ സുനിൽ-സിനി ദമ്പതികൾക്കാണ് സംഘടന വീട് നിർമ്മിച്ചു നൽകിയത്. പദ്ധതിയുടെ പൂർത്തീകരണത്തെത്തുടർന്ന് നടന്ന ചടങ്ങിൽ വീടിൻ്റെ താക്കോൽദാനം നിർവ്വഹിച്ചു.

​ലോകമെമ്പാടുമുള്ള മലയാളി സമൂഹത്തിൻ്റെ കൂട്ടായ്മയായ വേൾഡ് മലയാളി കൗൺസിൽ ഇതിനുമുമ്പും നിരവധി നിർധന കുടുംബങ്ങൾക്ക് വിവിധ പദ്ധതികളിലൂടെ വീട് നിർമ്മിച്ചു നൽകിയിട്ടുണ്ടെന്ന് ചടങ്ങിൽ സംസാരിച്ച ഗ്ലോബൽ വൈസ് ചെയർമാൻ ദിനേഷ് നായർ പറഞ്ഞു. പ്രവാസികളുടെയും നാട്ടിലെ സുമനസ്സുകളുടെയും സഹകരണത്തോടെ അർഹരായവർക്ക് കൈത്താങ്ങാകാൻ സംഘടന പ്രതിജ്ഞാബദ്ധമാണെന്നും അദ്ദേഹം കൂട്ടിച്ചേർത്തു. വനിതാ വിഭാഗം ഭാരവാഹികളും സംഘടനയുടെ മറ്റ് പ്രമുഖ വ്യക്തിത്വങ്ങളും ചടങ്ങിൽ പങ്കെടുത്തു