ഡൽഹി നിയമസഭാ സമ്മേളനം തിങ്കളാഴ്ച്ച മുതൽ; അരവീന്ദർ ലവ്‍ലി പ്രോട്ടെം സ്‍പീക്കർ

ഡൽഹി നിയമസഭയുടെ ആദ്യ സമ്മേളനം തിങ്കാളാഴ്ച്ച ആരംഭിക്കും. അരവീന്ദർ സിംഗ് ലവ്‍ലിയെ BJP ഇന്ന് പ്രോട്ടെം സ്‍പീക്കറായി നിയമിച്ചു. സ്‍പീക്കർ തിരഞ്ഞെടുപ്പ് തിങ്കളാഴ്ച്ച ഉച്ചക്ക് 2 മണിക്ക് നടക്കും. പുതിയ MLA മാരുടെ സത്യപ്രതിജ്ഞ രാവിലെ 11 മണിക്കാണ് നിശ്ചയിച്ചിരിക്കുന്നത്. ലഫ്റ്റനന്‍റ് ഗവർണർ ഫെബ്രുവരി 25 ന് നിയമസഭയെ അഭിസംബോധന ചെയ്യും.

അതിനിടെ, MLA മാരുടെ സത്യപ്രതിജ്ഞ കഴിഞ്ഞാലുടൻ പ്രതിപക്ഷ നേതാവിനെ പ്രഖ്യാപിക്കുമെന്ന് ആം ആദ്‍മി പാർട്ടി നേതാവ് ഗോപാൽ റായ് അറിയിച്ചു. സഭയിൽ ശക്തമായ പ്രതിപക്ഷമാകാനുള്ള പ്രതിബദ്ധത അദ്ദേഹം എടുത്തു പറഞ്ഞു.