ഗ്രീൻ കാർഡ് ഉണ്ടെന്നു കരുതി സ്ഥിരമായി താമസിക്കാമെന്ന് കരുതേണ്ടെന്ന് ജെ.ഡി വാൻസ്

അമേരിക്കൻ ഗ്രീൻ കാർഡ് എന്നുവെച്ചാൽ രാജ്യത്ത് അനിശ്ചിതമായി തങ്ങാനുള്ള ഗ്യാരന്‍റിയല്ലെന്ന് വൈസ് പ്രസിഡന്‍റ് ജെ.ഡി.വാൻസ് വ്യക്തമാക്കി. "ഗ്രീൻ കാർഡ് ഉള്ളവർക്ക് ചില അവകാശങ്ങളുണ്ട്. അവർക്ക് അമേരിക്കയിൽ താമസിക്കാം, ജോലി ചെയ്യാം. പക്ഷെ ഈ അവകാശങ്ങൾ പൗരന്മാർക്കുള്ള അവകാശത്തിന് തത്തുല്യമല്ല" - അദ്ദേഹം വിശദമാക്കി. അത്തരമൊരാൾ അമേരിക്കയിൽ തുടരേണ്ടതില്ലെന്ന് പ്രസിഡന്‍റോ വിദേശകാര്യ സെക്രട്ടറിയോ തീരുമാനിച്ചാൽ അയാൾക്ക് രാജ്യത്ത് തുടരാൻ നിയമപരമായി അവകാശമില്ലെന്നും അദ്ദേഹം പറഞ്ഞു.