ഗ്രാജുവേഷൻ ചടങ്ങിൽ ഇരട്ടകളുടെ വൈറൽ കൗതുകം

അമേരിക്കയിലെ ഒരു മിഡിൽ സ്‍കൂൾ ഗ്രാജുവേഷൻ ചടങ്ങിലെ അപൂർവ്വത സോഷ്യൽ മീഡിയയിലും കൗതുകമായി. മസാച്ചുസെറ്റ്‍സിൽ പോളാർഡ് മിഡിൽ സ്‍കൂളിൽ സംഘടിപ്പിച്ച എട്ടാം ഗ്രേഡ് ഗ്രാജുവേഷൻ ചടങ്ങിൽ 23 ജോഡി ഇരട്ടകളാണ് ഉണ്ടായിരുന്നത്. അതായത് 46 ഇരട്ട സഹോദരങ്ങൾ സർട്ടിഫിക്കറ്റ് ഏറ്റുവാങ്ങി. എല്ലാ വർഷവും ഇരട്ട സഹോദരങ്ങൾ പഠിക്കാറുണ്ടെങ്കിലും ഇത്രയധികം ഇരട്ടകൾ ആദ്യമായാണ് ഒരേ ക്ലാസ്സിൽ ഒരുമിക്കുന്നതെന്ന് ഹെഡ് ടീച്ചർ താമത ബിബ്ബോ പറഞ്ഞു. ആകെയുള്ള 454 വിദ്യാർത്ഥികളിൽ 10 ശതമാനം പേർ ഇരട്ടകൾ ആയിരുന്നു.