‘കരുതലിന്‍റെ സന്ദേശം’ ഈ മാസം 21 ന് കേരള ഹൗസിൽ
- ന്യൂസ് ബ്യൂറോ , ഡൽഹി
- Oct 17
- 1 min read
നോര്‍ക്ക കെയര്‍ ‘കരുതലിന്‍റെ സന്ദേശം’ എന്ന സംഗമ പരിപാടി 2025 ഒക്ടോബര്‍ 21 ന് നടക്കും. സംസ്ഥാന സര്‍ക്കാര്‍ നോര്‍ക്ക റൂട്ട്സ് വഴി നടപ്പിലാക്കുന്ന സമഗ്ര ആരോഗ്യ അപകട ഇൻഷുറൻസ് പദ്ധതി നോർക്ക കെയറിന്‍റെ പ്രചരണാര്‍ത്ഥാണ് മീറ്റ് സംഘടിപ്പിക്കുന്നത്. കേരള ഹൗസില്‍ വൈകിട്ട് 6.30 നാണ് സംഗമം നടക്കുക. ഡല്‍ഹിയിലെ വിവിധ പ്രവാസി സംഘടനകളും മലയാളി കൂട്ടായ്‌മകളും കൈകോർക്കും.
നോര്‍ക്ക റൂട്ട്സ് റസിഡന്‍റ് വൈസ് ചെയര്‍മാന്‍ പി. ശ്രീരാമകൃഷ്ണന്‍ ഉദ്ഘാടനം നിർവഹിക്കും. കേരള സര്‍ക്കാരിന്‍റെ ഡല്‍ഹിയിലെ പ്രത്യേക പ്രതിനിധി പ്രൊഫ. കെ.വി തോമസ്, കേരള ഹൗസ് റസിഡന്‍റ് കമ്മീഷണർ പുനീത് കുമാർ, നോര്‍ക്ക റൂട്ട്സ് ചീഫ് എക്സിക്യൂട്ടീവ് ഓഫീസര്‍ അജിത് കോളശ്ശേരി, ലോക കേരള സഭ അംഗങ്ങള്‍, എന്‍.ആര്‍.കെ ഡെവലപ്പ്മെൻറ് ഓഫീസർ ഷാജിമോന്‍. ജെ എന്നിവരും, നോര്‍ക്ക റൂട്ട്സ് പ്രതിനിധികളും സംബന്ധിക്കും.
Comments