കേജരിവാൾ രാജ്യസഭയിലേക്ക്? സഞ്ജീവ് അറോറ പഞ്ചാബ് നിയമസഭയിലേക്ക് മത്സരിക്കും

ലുധിയാന വെസ്റ്റ് നിയമസഭാ മണ്ഡലത്തിലെ ഉപതിരഞ്ഞെടുപ്പിൽ ആം ആദ്‍മി പാർട്ടി സിറ്റിംഗ് MP സഞ്ജീവ് അറോറയെ സ്ഥാനാർത്ഥിയായി പ്രഖ്യാപിച്ചു. ഇത് കേജരിവാളിന് രാജ്യസഭയിലെത്താനുള്ള വഴി തുറന്നിരിക്കുകയാണ്. അറോറ സീറ്റ് ഒഴിഞ്ഞു കൊടുക്കുമെന്നും കേജരിവാൾ രാജ്യസഭയിൽ എത്തുമെന്നും ഇന്നലെ പഞ്ചാബിലെ കോൺഗ്രസ് നേതാവ് പ്രതാപ് സിംഗ് ബാജ്വ പറഞ്ഞിരുന്നു. സഞ്ജീവ് അറോറ 2022 ലാണ് രാജ്യസഭിയിലെത്തിയത്. AAP MLA ഗുർപ്രീത് ബസ്സി ഗോഗിയുടെ മരണത്തെ തുടർന്നാണ് ലുധിയാന വെസ്റ്റ് മണ്ഡലത്തിൽ ഒഴിവ് വന്നത്. ഉപതിരഞ്ഞെടുപ്പിന്‍റെ തീയതി പ്രഖ്യാപിച്ചിട്ടില്ല.