ഓർത്തഡോക്‌സ് സഭാധ്യക്ഷന് റഷ്യൻ ബഹുമതി

ഓർത്തഡോക്‌സ് സഭാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിയ്ക്കാ ബാവായ്ക്ക് റഷ്യൻ ബഹുമതിയായ ഓർഡർ ഓഫ് ഫ്രണ്ട്‌‍ഷിപ്പ് ലഭിച്ചു. റഷ്യൻ പ്രസിഡ‍ന്‍റ് നൽകുന്ന ഉന്നത ബഹുമതിയാണ് ഇത്. ആധ്യാത്മിക രംഗത്തെ സേവനങ്ങൾക്ക് പുറമെ ഇന്ത്യയും റഷ്യയും തമ്മിലുള്ള സൗഹൃദ ബന്ധം മെച്ചപ്പെടുത്താൻ നത്തുന്ന ശ്രമങ്ങളും പരിഗണിച്ചാണ് ബഹുമതി. ഡൽഹിയിൽ റഷ്യൻ എംബസിയിൽ ഡിസംബർ 12 ന് നടക്കുന്ന ചടങ്ങിൽ ബഹുമതി അദ്ദേഹത്തിന് സമ്മാനിക്കും.