അന്തരിച്ച ഡൽഹിയിലെ മുതിർന്ന കോൺഗ്രസ് നേതാവ് പി.ജെ തോമസിന്റെ സംസ്കാര ചടങ്ങുകൾ നാളെ

ഡൽഹിയിലെ മുതിർന്ന കോൺഗ്രസ് നേതാവ് പി.ജെ തോമസ് (74) അന്തരിച്ചു. അസുഖ ബാധിതനായി ചികിത്സയിലിരിക്കെയാണ് അന്ത്യം. ഗാസിയാബാദ് ഡി.എൽ.എഫ് കോളനിയിൽ താമസിച്ചു വരുകയായിരുന്നു. സംസ്കാര ശുശ്രൂഷ നാളെ (31.05.2025) രാവിലെ 10.30 ബുരാരി ക്രിസ്ത്യൻ സിമിത്തേരിയിൽ ആരംഭിക്കും. ഭാര്യ: റോസമ്മ തോമസ്, മക്കൾ: ബിനു തോമസ്, ബെറ്റി തോമസ്, ബൈജു തോമസ്. ഡൽഹിയിൽ കോൺഗ്രസിന്റെ മലയാളി മുഖമായിരുന്നു പരേതൻ. മുതിർന്ന കോൺഗ്രസ് നേതാക്കളും സൗത്ത് ഇന്ത്യൻ ഔട്ട്റീച് മിഷനും പരേതന്റെ വിയോഗത്തിൽ അനുശോചനം രേഖപ്പെടുത്തി.